Çитĕнекен ăрăва патриотизмла воспитани парас, вě‌сене мĕн пĕчĕкрен Тăван çĕр-шыва юратма, хисеплеме вĕ‌рентес, ятарлă çар операцине хутшăнакан мухтавлӑ ентешсен пархатарлă та сумлă ĕçĕсемпе паллаштарса вĕсемпе тивĕçлипе мухтанас, хисеплес туйăма аталантарас, вĕсенчен ырǎ тĕслĕх илме вĕрентес тĕллевпе муниципаллă округра та, шкулта та тĕрлĕ мероприятисем йěркелесе ирттереççĕ.

Паян, раштав уйăхĕн 25-мěшěнче, район администрацийĕн вĕренӳпе çамрăксен политикин пайĕ тата «Елчĕк ен ентешлĕхĕ» обществăлла организацийĕ Раççeйри çемье, Чăваш енри экологи культурин тата çут çанталăкпа перекетлĕ усă курнин çулталăкне халалласа çырнă сочиненисен конкурсне  пěтěмлетрěç. Унта Раççей Федерацин Геройĕ Н.А.Петров ячĕллĕ Чăваш Республикин Елчĕк муниципалитет округĕн пěтěмěшле пěлӳ паракан Елчĕкри  вăтам шкулĕн  ачисем те хастар  хутшăнчěç. Хăйсен ěçěсенче вěсем ятарлă çар операцине хутшăнакан паттăр ентешěмěрсем, çемье тěрекě, çут çанталăка упрасси çинчен тěплěн çырса пачěç.  

Хаваслă уяв  Çěнě çул чăрăшě умěнче иртрě. Уява  Елчĕк муниципалитет округĕн пуҫлӑхӗн ҫумӗ - вӗренӳпе ҫамрӑксен политикин пайӗн начальникӗ В.А. Николаев уçрě. Вăл пуçтарăннисене Çěнě 2025-мĕш çул ячěпе саламласа çирěп сывлăх, çитěнӳсем тума ăнăçу сунчě. Çавăн пекех уява тата ытти хăнасем те хутшăнчĕç. Малалла «Елчěк  ен ентешлěхěн» хастарěсем конкурс çěнтерӳçисемпе призерěсене Хисеп хучěсемпе хаклă парнесем парса чысларěç.

Çěнě çул уявě  хаваслă иртрě.  Унта Хěл мучипе Юр пике тата юмахри сăнарсем  илем кӳчěç.

Çĕнтерÿçĕсемпе призерсене тата вěсене конкурса хатěрленě ертÿçĕсене саламлатпăр, малашне те  çитěнӳсем тума  сунатпăр.