Кӑрлач уйӑхӗн 31-мӗшӗнче Елчӗк округӗнче "Тӑван чӗлхене вӗрентекен чи лайӑх учитель" конкурс пуҫланчӗ. Асӑннӑ конкурсра Елчӗк округӗнчи шкулсенче чӑваш чӗлхипе литературине вӗрентекен сакӑр учитель хутшӑнать.Конкурсӑн 1-мӗшпе 2-мӗш  кунӗсенче вӗрентекенсем Елчӗк шкулӗнче тӗрлӗ класра уҫӑ уроксем пачӗҫ. " Тӑван чӗлхене вӗрентекен чи лайӑх учитель" конкурса Елчӗк шкулӗнче чӑваш чӗлхипе литературине вӗрентекен Каринкина Г.В. та хутшӑнать. Вӑл пӗрремӗш тӗрӗслев витӗр тухрӗ ӗнтӗ: 8-мӗш класра "Телейсӗр юрамасть юлма" темӑпа уҫӑ урок ирттерчӗ. Галина Валериевнӑна Елчӗк шкулӗн коллективӗ,  вӗренекенсем ӑнӑҫу сунаҫҫӗ. Вӑл шкул чысне тивӗҫлӗ шайра хӳтӗлессе шанаҫҫӗ.