Мухтавлӑ ентешсен ҫулталӑкне халалласа Чӑваш Республикин вӗренӳ институчӗ вӗрентекенсем хушшинче  олимпиада ирттерчӗ. Асӑннӑ олимпиадӑра Чӑваш Республикин шкулӗсенче вӑй хуракан пӗтӗм вӗрентекен хутшӑнма пултарать. Олимпиада ӗҫӗсене пурнӑҫлама асӑннӑ кун 15.00 сехетрен пуҫласа 16.00 сехетчен вӑхӑт панӑ.  Пӗр сехет хушшинче вӗрентекенсен 30 ыйту ҫине хурав памалла.

   Елчӗкри пӗтӗмӗшле пӗлӳ паракан вӑтам шкулта вӑй хуракан вӗрентекенсем те олимпиадӑра хутшӑнса хӑйсен пӗлӗвне тӗрӗслеме кӑмӑл турӗҫ. Чӑнах та , тем те пӗлмелле кунта. Чӑвашран тухнӑ режиссерсемпе, художниксемпе, писательсемпе, вӗрентекенсемпе ҫыхӑннӑ ыйтусем пулчӗҫ . Чӗмпӗр шкулӗнчен вӗренсе тухса пирӗн районти Кивӗ Эйпеҫ ялӗнче ӗҫленӗ А.В. Рекеев ҫинчен  , Муркаш районӗнче ҫуралса ӳснӗ  орфографи словарӗн авторӗ Л.П.Сергеев ҫинчен  , паллах, пурте пӗлеҫҫӗ. Хӑш-пӗр ыйтупа вара самаях пуҫ ватма тиврӗ пулсан та , вӗрентекенсем пуҫланӑ ӗҫе вӗҫне ҫитерчӗҫ. Ака уйӑхӗн 21-мӗшӗнче олимпиада пӗтӗмлетӗвӗ паллӑ пулчӗ. Елчӗк шкулӗн ӗҫченӗсенчен кӗҫӗн классенче вӗрентекенсем Артемьева О.В., Данилова А.Н., Маркова Л.Н., Молоствова В.Г., Маркова Т.Г.,Смирнова А.С., Ильдуганова С.Л., физика вӗрентекенӗ Данилов А.А., чӑваш чӗлхипе литературине вӗрентекен Каринкина Г.В., истори вӗрентекенӗ Федорова Р.В.   олимпиада ҫӗнтерӳҫисемпе призерӗсем  пулса тӑчӗҫ.

   Саламлатпӑр чӑннипех те пултаруллӑ вӗрентекенсене. Вӗсене малашне те пысӑк ҫитӗнӳсем сунатпӑр.