Нарăс уйăхĕн  21-мĕшĕнче, Елчĕк районĕнчи Кушкӑри пĕтĕмĕшле пĕлÿ паракан вӑтам шкулта «Пĕтĕм тĕнчери тăван чĕлхесен кунĕ» ятпа ҫавра сĕтел иртрĕ.  Елчĕк районĕнчи чăваш чĕлхипе литературине, тутар чĕлхипе литературине, музыка предмечĕсене вĕрентекенсем,   тăван  чӗлхе пӗлӗвӗн ыйтӑвӗсемпе, тăван халăхăн культурипе  кӑсӑкланакансем тĕл пулăва пуҫтарӑнчĕҫ . Унта Елчĕкри  пĕтĕмĕшле пĕлӳ паракан вăтам шкулти чăваш чĕлхипе литературине  вĕрентекенсем  те хутшăнчĕç.

Вĕрентекенсем  виçĕ ушкӑна пайланса ĕҫлерĕҫ. Вĕсем урокра, класс тулашĕнчи ĕçсенче усă куракан мелсемпе меслетсем çинчен, ачасемпе ирттерекен конкурссем çинчен каласа пачĕç, мастер-класс кӑтартрĕç.

Секцисем хăйсен ĕçне вĕçлесен  район шайĕнче  чăваш чĕлхипе литературине  вĕрентекенсем хушшинче ирттернĕ IV-мĕш конкурс-фестиваль ĕçне пĕтĕмлетрĕç. Муравьева Г.Л., Федорова Р.В. вĕрентекенсем  призерсен йышне кĕме пултарчĕç, «Чи лайăх класс тулашĕнчи ĕçсем» ята Кушманова  Н.В. йышăнчĕ. Çавра сĕтел  усăллă иртрĕ.