Ака  уйăхĕн 27-мĕшĕнче Шупашкар  хулин 2-мĕш пуçламăш шкулĕнче Аслă Вĕрентекенĕмĕр Иван Яковлевич Яковлев çуралнăранпа 170 çул çитнине тата Чăваш чĕлхи кунне халалланă «Туслăх хĕлхемĕ» / «Искорка дружбы» республика  шайĕнчи фестивалĕ иртрĕ. Ăна  Чăваш Республикин вĕренÿ тата çамрăксен политикин министерствипе Чăваш Республикин вĕренÿ институчĕн Наци вĕренĕвĕн центрĕ йĕркеленĕ.  Ачасем «Сăмах илемĕ», «Чăваш вăййи», «Янра, чăваш юрри», «Чăваш ташши», «Чăваш апачĕ» номинацисенче   тупăшрĕç. Елчĕкри вăтам шкулта кĕçĕн классенче вĕренекенсем те хавхалансах хутшăнчĕç. Цыганова Д. ачасене «Çĕрĕ памалла» выляттарчĕ, Молодова Л. илемлĕ чăваш юрри шăрантарчĕ., Патшина У. ташша ăста пулчĕ, Кудрина А. тутлă хуплу пĕçерме вĕрентрĕ.   Кашни номинацинче ачасен ĕçне компетентлă жюри членĕсем хакларĕç. Çакăн пек пĕтĕмлетÿ турĕç: Молодова Л. (вĕрентекенĕ Молоствова В.Г.), Кудрина А.(вĕрентекенĕ Артемьева О.В.) призерсен шутне кĕме пултарчĕç. Ыттисем те питĕ маттур пулчĕç.  Пурне те малалла  пысăк çитĕнÿсем тума сĕнетпĕр!