Ака уйӑхӗн 26-мӗшӗнче Чӑваш Республикин Наци библиотеки "Иван Яковлевич Яковлев - чӑваш культурин патриархӗ" библиотека диктанчӗ" акци йӗркелерӗ. Акци Аслӑ вӗрентекенӗмӗр 170 ҫул, Чӗмпӗрти чӑваш шкулне уҫнӑранпа 150 ҫул ҫитнипе халалланӑ. Акцие халалласа ҫак кун республикӑри пур районпа хулара та библиотека диктанчӗ иртрӗ.

Елчӗкри вӑтам шкулта вӗрентекенсемпе 10 класра вӗренекенсем библиотека диктантне хутшӑнса тӗрлӗ ыйтусем ҫине хуравларӗҫ.

Çӗннине пӗлме, пухнӑ пӗлӗве ҫирӗплетме ӑнтӑлакан вӗренекенсен тӑрӑшуллӑхӗ палӑрчӗ.