Нарăсăн 21-мĕшĕнче И.Н.Ульянов ячĕпе хисепленекен Чăваш патшалăх университетĕнче 9-10-11 классем хушшинче регионсен шайĕнчи чăваш чĕлхипе литература олимпиади иртрĕ. Район чысне Елчĕкри вăтам шкулта 10 класра вĕренекен Кожевникова С. тата 11 класра вĕренекен Адюкова Ю. хӳтелерĕҫ. Олимпиадăна тăрăшса хатĕрленни лайăх результатсем кăтартрĕ. 11-мĕш класра вĕренекенсем хушшинче Юля 1-мĕш вырăн ҫĕнсе илме пултарчĕ (ертӳҫи Н.В.Кушманова). Чăваш Наци радиовĕн штатра тăман корреспонденчĕ пулнă май, олимпиада вĕҫленнĕ хыҫҫăнах Юля ытти регионсенчен килнĕ ачасен шухăш-кăмăлĕсемпе паллашма васкарĕ. Юля йĕркелеме пулăшнă кăларăм ҫитес эрнере эфира тухĕ. Юльăна ҫĕнтернĕ ятпа чун-чĕререн саламлатпăр, малашне те пысăк ҫитĕнӳсем тума ăнăҫусем сунатпăр.