Вăрçă... Пěр сăмахра мěн чухлě йывăрлăх, куççyль, çyхату.  Тãван çĕршывãн чысĕпе ирĕклĕхĕшĕн, пуласлãхĕшĕн кĕрешсе Елчĕк районĕнчен  те 3427 салтак пуçне хунã. Аслã Аттелĕх вãрçи вĕçленнĕренпе 73 çул çитет пулин те, унãн суранĕсем халĕ те ÿт илмен-ха.

Çакна тĕпе хурса Елчĕк районĕнче «Çĕр çинчи пурãнãçшãн» патриотла сãвãсен конкурсĕ иртрĕ. Конкурса районти шкулсенче вĕренекенсем хãйсен вãрçã темипе çырнã сãввисене тãратрĕç.  Елчĕкри пĕтĕмĕшле пĕлÿ паракан вãтам шкултан асãннã конкурса 10-мĕш класра вĕренекен  Сидорова А. (ертÿçи- Морозова Г.В.) тата 11-мĕш класра вĕренекен Адюкова Ю. (ертÿçи – Каринкина Г.В.) хутшãнчĕç. «Аслă Аттелěх вăрçин паттăрěсене халалласа...»   номинацире  Сидорова Н. 3-мĕш вырãна тухма пултарчĕ. Çaк номинацинчех Адюкова Ю.  Василий Волков пионер-партизан çинчен çырнă сăвăпа аслисем хушшинче 1-мĕш вырãна çĕнсе илме пултарчĕ. Халĕ унãн район чысне республика шайěнче хÿтĕлемелле пулать.

Саламлатпãр çамрãк поэтсене! Район çĕнтерÿçине вара конкурсãн иккĕмĕш тапхãрĕнче ãнãçу та çĕнтерÿ сунатпãр.